Dat Lagern van Waterstoff is nah in de Tokunft! – H2-Initiativen an de Stee Etzel

Schier Energie – unner de Eer seker lagert

De H2-Projekten van de STORAG ETZEL

Waterstoff gellt as de Energiedrager för de Tokunft, umdat he dat mögelk maakt, dat vernejerbaar Energie – t. B. Stroom ut Wind of Sünn – över en langer Tied as Gas lagert worden kann. De Stroom word denn daarto bruukt, mit Elektrolyse Water in Sauerstoff un brannbaar Waterstoff uptodelen. So sünd de Verbruuk un de Erzeugung van Stroom neet vannanner ofhangig.

Upstünds steiht de „gröön“ (also CO-freei) H2 in Düütskland noch heel an sien Anfang. Man na en lang Utbootied kann de Waterstoffwirtschaft nu bold mehr un mehr an de Markt wassen. Mögelk word dat dör de hoogstoken Klimazielen van Düütskland un Europa. Daarför sallen an eerste Stee de vernejerbare Energien utboot un butendeem sall up de Verbruuk van Köhlen verzicht worden. Mit dat H2-Verfahren sallen de Klimazielen denn up regionaal, düütsk un europäisk Stand bereckt worden.

Man: Wat maken wi in Tieden, in de dat mehr Stroom gifft as wi bruken könen, t. B. wenn dat in d‘ Harvst en Bült Wind gifft of in d‘ Sömmer de Sünn stadig schient? De seker Versörgen mit Energie is för uns heel natürelk worden. Man kann dat in Tieden mit to minn vernejerbaar Energie, t. B. wenn ‘t winterdags över Weken un Maanten düüster is, so blieven?

Un: Wo un waar lagern wi de Waterstoff un anner gröne Gasen seker?

Genau daarum sünd Lagersteden unner de Eer för de Energiewenn so belangriek. Energien in Kavernen to lagern is en heel groot Kans, uns mit gröön CO2-freei Energie to versörgen.

STORAG Etzel is en freei Kavernenbedriever. Mit de Idee H2CAST Etzel, en Entwicklungsprojekt, de daar noch up upboen deit un mit en Bedeligen an dat Projekt „H2-Wegweiser Niedersachsen“ sall dat Försken un Inrichten van grote Lagersteden för Waterstoff ünner de Eer noch vörandreven worden. To glieke Tied sall ünner Bewies stellt worden, dat de Soltkavernen in Etzel sük as grote Lagersteden för Waterstoff egen.

Wi willen de Kavernen van Etzel „H2-klaar!“ maken.

Denn de Energiewenn bruukt Lagersteden, wenn dat Herstellen un villicht ok de Import van H2 un de Markt neet gliek sünd.

De Masse Waterstoff, de in Düütskland bit 2030 nödig is, stiggt stadig an

Dat, wat nu an Waterstoff bruukt word un wat in Tokunft inföhrt worden mutt

Wenn de Waterstoffwirtschaft an de Markt mehr un mehr wassen deit, word de Masse H2, de in Düütskland bruukt word, stadig grötter. Dat, wat an disse Energiedrager bruukt word – besünners an gröön, also ut vernejerbaar Energien maakt Waterstoff – kann hier bi uns neet all herstellt worden. Daarto sünd uns Mögelkheiden neet groot genoog.

Daarum mutt Düütskland, nett as de meeste anner EU-Staten ok, en heel Bült Waterstoff inföhren, nett as nu bi Ööl un Gas. Un denn mutt weer vööl lagert worden. Daarför worden ok al vandaag grote Lagersteden unner de Eer as „Backup“ insett. Man ok hier mutt noch förskt un entwickelt worden.

Arbeiden för de Energiewenn

Wi setten uns düchtig för Verännerns, Sekerheid un Verantwoorden in. Daarum setten wi bi dat Wiederentwickeln van uns Lagersteden ok up vernejerbare Energiedragers.

Alls proot för Etzel as de H2-Stee in de Tokunft

Arbeiden för de Energiewenn

  • Etzel is de föhrende Kavernenstee för Gas un Ööl in Noordwest-Europa
  • Kavernen egen sük dörgahnsweg för dat Lagern van H2 in Gasförm
  • De Stee Etzel hett de allerbeste geographisch Laag
  • De Ansluut an Gasleitungen, de över de Region rutgahn, is daar. De Leitungen kunnen up H2 umstellt worden.
  • En fell Utboo van de Lagersteden is genehmigt
  • Dör de neei Rahmenbedrievsplaan hett STORAG Etzel up lange Tied Planungssekerheid

Förschungsprojekt H2CAST Etzel

H2 CAVERN STORAGE TRANSITION Etzel: Vörbereidens van dat Kavernenlager as H2lager-Dreihschiev

Heel genau geiht dat bi H2CAST Etzel (H2CAVERN STORAGE TRANSITION Etzel) daarum, bestahnde Gaskavernen un belangrieke Inrichtens över de Eer na un na för de H2-Wirtschaft uttoboen un antopassen, un dat in heel Düütskland un Europa. En Besünnerheid is hier de Kavernenstee Etzel mit sien Lagersteden unner de Eer un de Anlagen över de Eer, de sük besünners good an verscheden Lagermengen anpassen laten.

Um en H2-Wirtschaft in de Region Freesland / Oostfreesland / Wilhelmshaven in de Noordwesten van Düütskland uptoboen, büddt nett de Leitungs- un Nettknüttpunkt Etzel en heel Bült Mögelkheiden för Förderung un Tosamenarbeid.

Butendeem kann dat Leistungsvermögen van Etzel noch vergröttert worden. Dat weer mögelk mit dat Inbinden van de Stroom ut de Offshore Windenergieanlagen, en Leitungsanbinden över de Grenzen na Holland hen un de mögelk Import van H2 mit Schippen över en H2-Terminal bi de Deepwaterhaven in Wilhelmshaven.

En token mögelk Stapp weer en Entwicklungsprojekt van de STORAG ETZEL

Waterstofflager för Noordwesteuropa

Wenn ‘t all good lopen dee, kunn „H2CAST Etzel“ de Vörloper för en Entwicklungsprojekt van STORAG ETZEL wesen, dat noch mehr berecken will. Dat weer de tweede logisk Tree för en düürsaam Umwanneln un dat kloke Inbrengen van de Kavernenanlaag Etzel in de komende europäiske Waterstoffwirtschaft.

Wenn immer mehr Lagerstee för H2 nödig is, liggt de Swaarpunkt van dit mögelk Anslussprojekt u. a. daarup, dat Kavernenfeld, dat dat bit nu al gifft, tosamen mit de Anlagen över de Eer to vergröttern. Dat glieke gellt för dat Leitungsnettwark in de Region Noordwesteuropa.

In Noordwesteuropa is en Waterstoffstartnett plaant, dat sobenöömde „European H2-Backbone (Europäisk Waterstoff-Rüggbunk)“. Indeem de Lagerstee Etzel un de Kuntrei Wilhelmshaven (Windenergie, Importhaven, H2-Erzeugung, Industrie) daar mit anbunnen worden, word de heel Region vöranbrocht un en H2-Verbund upboot. Dat is uns Ziel.

Dit Anslussprojekt för grootrümige H2-Lagersteden umfaat veer Lannen un sall de Grundlaag för en gemeensaam europäisk Waterstoffversörgen van Hambörg bit na Paris worden.

Man toeerst word dat Förschungsprojekt „H2CAST Etzel“ wieder vöranbrocht. Daarum willen wi in uns Kuntrei mit Industriepartners, de kommunale Körperschaften un Wirtschaftsförderers tosamenarbeiden. Daarbi sallen Synergien entstahn un bestahnde Nettwarken vöranbrocht worden. STORAG ETZEL will ok för de neei Energiewirtschaft en bekannt, toverlatig in technisk föhrend Anbeder för dat grootrümig Lagern van vernejerbare Energiedragers blieven. 

Wat is an uns Projekten besünners?

Etzel un de Kuntrei dr’umto beden allerbeste Vörutsettens

  • Infrastrukturen, de dat al geven deit, worden bruukt un insett
  • Umdat recht minn Förderung nödig deit, is dat good för de Volkswirtschaft
  • Allerbeste Laag van dat Kavernenfeld Etzel
  • Mögelkheiden för Synergien bi de regionale Energie- un Industriepartners
  • De H2-Lagersteden könen licht an de nödige Lagermengen anpasst worden, de Utboomögelkheiden sünd sekert
  • De Kavernenstee is in de Kuntrei annohmen worden, Facklüü sünd d’r ok
  • Dat Projekt H2-Lagern kunn in en körte Tied klaarmaakt worden
  • Sünner de H2-Projekten in Etzel kann dat ok keen regionale H2-Verbund geven

Was ist das Besondere an unseren Projekten?

Etzel und sein regionales Umfeld bieten hervorragende Rahmenbedingungen

  • Die Nutzung und Widmung bestehender Infrastruktur
  • Volkswirtschaftlicher Nutzen wegen vergleichsweiser geringer notwendiger Förderung
  • Strategische Lage des Kavernenfelds in Etzel
  • Synergieoptionen zu regionalen Energie- und Industriepartnern
  • Skalierbarkeit der H2-Speicherung und gesichertes Ausbaupotenzial
  • Akzeptanz in der Region, Fachkräfte vorhanden
  • Kurze Reaktionszeit für Projektrealisierung der H2-Speicherung
  • Ohne die H2-Projekte in Etzel keine regionale H2-Clusterbildung in der Region!